Reciba capacitación y hasta 26 semanas adicionales de desempleo $$

Depatman Asistan Chomaj la (DUA an anglè) ap ede travayè ki nan chomaj yo ki bezwen fòmasyon pou yo ka jwenn travay.

DUA ka peye jiska 26 semèn siplemantè pandan w ap pran fòmasyon nan yon pwogram DUA’s Training Opportunities Program (TOP) [Pwogram Opòtinite pou Fòmasyon (TOP an anglè) DUA a] apwouve.

Poukisa m ta dwe enterese nan TOP ?

1. Fòmasyon ka ede w jwenn yon pibon djòb.
2. Pandan w ap pran fòmasyon an :
   • Ou pa oblije ap chache travay jan DUA konn mande a oswa chache yon nouvo travay.
   • Y ap kontinye ba w avantaj regilye yo.
   • Lè avantaj regilye w yo fini, yo ka pwolonje avantaj chomaj ou yo pou jiska 26 semèn.

Ki kalite fòmasyon TOP apwouve ?

TOP apwouve fòmasyon nan lekòl pwofesyonèl, nan inivèsite, pwogram aprantisaj oswa fòmasyon de baz pou amelyore kapasite w. Fòmasyon de baz yo ka Anglè pou Moun Ki Pale Lòt Lang ( ESOL an anglè), ekivalans diplòm lekòl segondè oswa pwogram Edikasyon de Baz pou Adilt (ABE an anglè).  Pwogram fòmasyon an dwe :

1. Fòmasyon pwofesyonèl oswa fòmasyon de baz pou amelyore kapasite.
2. Plen tan
3. Li dwe gen yon to 70% pou l fè moun nan jwenn travay, konsa elèv la gen plis chans pou l jwenn travay.
4. Pwogram nan ka dire 2 lane oswa si w te gentan kòmanse l, ou ka fini l nan entèval 2 lane.

Si DUA pa apwouve pwogram ou an, men li satisfè 4 ekzijans sa yo, mande Depatman TOP la pou l apwouve pwogram ou an.

Remake

Ou ka pran 3 lane pou w fini si klas yo konbine ESOL, ekivalans diplòm lekòl segondè oswa ABE ak fòmasyon pwofesyonèl. Ou ka pran ESOL la poukont li. Si w bezwen ekivalans diplòm lekòl segondè oswa ABE w ap bezwen tou pou w pran fòmasyon pwofesyonèl.

Plen tan vle di omwens :

• 20 èdtan fòmasyon nan klas pa semèn oswa
• 12 kredi pa semès nan inivèsite.
• Ou ka fè mwens pase plen tan si :
  • Klas la gen anpil travay pou w fè lè w pa nan klas la oswa
  • Ou gen yon andikap ki rann fòmasyon a plen tan an difisil pou ou